Нацыянальны павільён Беларусі адкрыўся на ЭКСПА-2020
30.09.2021 г.29 верасня 2021 г. Першы намеснік Міністра замежных спраў Рэспублікі Беларусь, Генеральны камісар беларускай секцыі на «ЭКСПА-2020» Аляксандр Гур'янаў прыняў удзел у адкрыцці Нацыянальнага павільёна Рэспублікі Беларусь на Сусветнай выставе «ЭКСПА-2020» у Дубаі (Аб'яднаныя Арабскія Эміраты).
Удзел у цырымоніі таксама прынялі Пасол Беларусі ў ААЭ Андрэй Лучанок, Генеральны консул Беларусі ў Дубаі Яўген Лазараў, дырэктар кампаніі-генпадрадчыка «Nussli» Х.Дош, дырэктар дэпартамента міжнародных удзельнікаў «ЭКСПА-2020» А.Дорадо і дэлегацыі шэрагу краін-удзельніц Выставы.
Асноўная тэма беларускага павільёна, які можна будзе наведаць да 31 сакавіка 2022 г., – «Лес тэхналогій будучыні». Экспазіцыя падзелена на некалькі зон: інтэрактыўны калідор, «Export.by», «Інавацыі і інвестыцыі», «Дзверы ў Беларусь», «Спорт і турызм», сувенірная крама і зона забавак.
Сярод ключавых элементаў праграмы павільёна — правядзенне Нацыянальнага дня Рэспублікі Беларусь, Беларускага інвестыцыйнага форуму, Дня турызму, навукі, а таксама Дзён абласцей Беларусі і горада Мінска з выступамі вядомых беларускіх народных ансамбляў музыкі і танца.
Урачыстае адкрыццё Сусветнай выстаўкі «ЭКСПА-2020» адбудзецца 30 верасня 2021 г.
