Пастаянны консульскі ўлік
На пастаянны консульскі ўлік у Генконсульстве Рэспублікі Беларусь у Дубаі прымаюцца грамадзяне Рэспублікі Беларусь, якія выехалі з Рэспублiкi Беларусь на сталае жыхарства ў краіны адказнасці Пасольства Беларусі ў ААЭ, аформіўшы сталае жыхарства за межамі Рэспублікі Беларусь ва ўстаноўленым заканадаўствам парадку
Для пастаноўкі на пастаянны консульскі ўлік заяўнік прадстаўляе наступныя дакументы:
Заяву аб пастаноўцы на консульскі ўлік ўсталяванай формы;
Пашпарт грамадзяніна Рэспублікі Беларусь;
Дакумент, выдадзены кампетэнтным органам замежнай дзяржавы, які пацвярджае месца жыхарства грамадзяніна на тэрыторыі замежнай дзяржавы (рэзідэнцкая віза краіны знаходжання);
Дзве каляровыя фатаграфіі заяўніка, якія адпавядаюць яго ўзросту, памерам 40 х 50 мм (адным лістом);
Квітанцыя аб аплаце консульскага збору.
За грамадзян, якія не дасягнулi 14-гадовага ўзросту дакументы прадстаўляюцца яго законным прадстаўніком.
Законны прадстаўнік таксама падае пашпарт ці іншы дакумент, які сведчыць асобу законнага прадстаўніка непаўналетняга.
Зняцце з консульскага ўліку
Пры змене грамадзянінам Рэспублікі Беларусь месца жыхарства (краіны знаходжання) яму неабходна звярнуцца ў Генконсульства Рэспублікі Беларусь у Дубаі з заявай аб зняцці з консульскага ўліку.
Пасля пераезду грамадзяніну Рэспублікі Беларусь неабходна звярнуцца ў дыпламатычнае прадстаўнiцтва або консульскую ўстанову Рэспублiкi Беларусь па новым месцы жыхарства з заявай аб пастаноўцы на консульскі ўлік.
Дакументы, неабходныя для зняцця з консульскага ўліку:
Заяву аб зняцці з консульскага ўлiку;
Пашпарт грамадзяніна Рэспублікі Беларусь.