Аб візіце каманды Беларускага камітэта «Спешыял Алімпікс» у ААЭ
10.02.2026 г.У перыяд з 5 па 10 лютага 2026 года каманда Беларускага камітэта «Спешыял Алімпікс» наведала ААЭ для ўдзелу ў Open Masters Games Abu Dhabi 2026.
У склад беларускай дэлегацыі ўвайшлі выхаванцы Глускага дзіцячага сацыяльнага пансіяната «Вясново», якія выступілі ў лёгкаатлетычнай праграме Гульняў, прадэманстраваўшы свае спартыўныя навыкі ў бегу на розныя дыстанцыі, скачках у вышыню і даўжыню, кіданні молата і штурханні ядра.
Асаблівае месца ў праграме мерапрыемства заняў удзел беларускіх спартсменаў у парадзе на ўрачыстай цырымоніі адкрыцця Гульняў.
Падчас знаходжання ў Абу-Дабі ў Пасольстве Рэспублікі Беларусь адбылася сустрэча з удзельнікамі беларускай дэлегацыі. Пасол Беларусі ў ААЭ Ігар Белы ўручыў спартсменам медалі і памятныя знакі, выказаўшы ўдзячнасць за дастойнае прадстаўленне краіны на міжнароднай спартыўнай арэне і падкрэсліўшы значэнне такіх мерапрыемстваў для развіцця гуманітарнага супрацоўніцтва і прасоўвання прынцыпаў інклюзіўнасці.
Open Masters Games Abu Dhabi 2026 з'яўляецца найбуйнейшым міжнародным мультыспартыўным мерапрыемствам, якое аб'ядноўвае як прафесійных спартсменаў, так і аматараў. У спаборніцтвах бяруць удзел больш за 25 тыс. атлетаў са звыш 120 краін свету. Медалі разыгрываюцца больш чым у 33 відах спорту, такіх як лёгкая атлетыка, футбол, баскетбол, валейбол, рэгбі, плаванне, веласпорт, тэніс, бадмінтон, дзюдо, каратэ, муай-тай, ветразныя рэгаты, гонкі на каноэ.
