Аб супрацоўніцтве паміж Рэспублікай Беларусь і Каралеўствам Бахрэйн

Дыпламатычныя адносіны паміж Рэспублікай Беларусь і Каралеўствам Бахрэйн устаноўлены 1 ліпеня 1996 г.

5 кастрычніка 2025 г. Пасол Рэспублікі Беларусь у Каралеўстве Бахрэйн па сумяшчальніцтве І.Г. Белы ўручыў копіі даверчых грамат. З 21 студзеня 2019 г. Пасол Бахрэйна ў Расіі А. аль-Сааці акрэдытаваны ў Беларусі па сумяшчальніцтве.

У кастрычніку 2002 г. адбыўся візіт у Бахрэйн дзяржаўнай дэлегацыі Рэспублікі Беларусь на чале з Прэзідэнтам Рэспублікі Беларусь А.Р. Лукашэнка.

Беларусь наведвалі старшыня Савета прадстаўнікоў Нацыянальнай асамблеі Бахрэйна, Міністр фінансаў і нацыянальнай эканомікі, Міністр транспарту і камунікацый, Дзяржаўны міністр па замежных справах, Генеральны сакратар Бахрэйнскага цэнтра навуковых даследаванняў.

У красавіку 2008 г. у г. Мінску былі праведзены беларуска-бахрэйнскія кансультацыі паміж міністэрствамі замежных спраў. У лістападзе 2016 г. у г. Манаме адбыўся другі раўнд палітычных кансультацый на ўзроўні намеснікаў міністраў замежных спраў Беларусі і Бахрэйна. У чэрвені 2016 г. у г. Манаме былі праведзены міжміністэрскія кансультацыі па консульскіх пытаннях.

Супрацоўніцтва паміж Рэспублікай Беларусь і Каралеўствам Бахрэйн у рамках ААН і іншых міжнародных арганізацый носіць канструктыўны характар.

Паміж Беларуссю і Бахрэйнам заключаны міжурадавыя пагадненні аб гандлёвым і эканамічным супрацоўніцтве, аб садзейнічанні ажыццяўленню і ўзаемнай абароне інвестыцый, аб пазбяганні падвойнага падаткаабкладання, аб паветраных зносінах. Таксама падпісаны пратакол аб супрацоўніцтве паміж Палатай прадстаўнікоў Нацыянальнага сходу Рэспублікі Беларусь і Саветам прадстаўнікоў Нацыянальнай асамблеі Каралеўства Бахрэйн, мемарандум аб супрацоўніцтве паміж міністэрствамі замежных спраў, мемарандум аб узаемаразуменні паміж міністэрствамі фінансаў, пагадненне аб супрацоўніцтве паміж гандлёва-прамысловымі палатамі, а таксама шэраг іншых дагавораў.

Развіваецца гандлёва-эканамічнае супрацоўніцтва.