Палітычнае супрацоўніцтва

Дыпламатычныя адносіны паміж Рэспублікай Беларусь і Каралеўствам Саудаўская Аравія ўстаноўлены 6 чэрвеня 1997 г.

За ўзаемадзеянне з Саудаўскай Аравіяй адказвае Пасольства Беларусі ў ААЭ. Пасол Беларусі ў КСА па сумяшчальніцтве Белы І.Г. уручыў копіі даверчых грамат 9 кастрычніка 2025 г. Інтарэсы Саудаўскай Аравіі ў Беларусі прадстаўляе Пасольства КСА ў Расійскай Федэрацыі.

У сакавіку 2004 г. і студзені 2024 г. Міністр замежных спраў Рэспублікі Беларусь здзейсніў афіцыйныя візіты ў Саудаўскую Аравію.

У снежні 2023 г. у г. Эр-Рыядзе адбыўся першы раўнд беларуска-саудаўскіх палітычных кансультацый на ўзроўні намеснікаў міністраў замежных спраў.

Супрацоўніцтва паміж Рэспублікай Беларусь і Саудаўскай Аравіяй у рамках ААН і іншых міжнародных арганізацый носіць канструктыўны характар.

Дагаворна-прававую базу двухбаковых адносін складаюць Генеральнае пагадненне паміж Урадам Рэспублікі Беларусь і Урадам КСА, міжурадавыя пагадненні аб пазбяганні двайнога падаткаабкладання і аб узаемнай абароне інвестыцый, аб супрацоўніцтве ў галіне навукі і тэхналогій, міжведамасныя мемарандумы ў галіне спорту, адукацыі, аб правядзенні палітычных кансультацый паміж міністэрствамі замежных спраў, аб супрацоўніцтве паміж НАН Беларусі і Навукова-тэхналагічным гарадком ім. Караля Абдэль Азіза, а таксама пагадненне аб супрацоўніцтве паміж БелГПП і Федэрацыяй ГПП Саудаўскай Аравіі, Мемарандум аб узаемаразуменні па супрацоўніцтве паміж Міністэрствам юстыцыі Беларусі і Міністэрствам юстыцыі Саудаўскай Аравіі, а таксама шэраг іншых дагавораў.