Транзітная віза (тып B)
Выдаецца ў мэтах транзітнага праезду праз тэрыторыю Рэспублікі Беларусь на заяўлены тэрмін, але не больш чым на 1 год, і дзейнічае на працягу 2 сутак з дня ўезду іншаземца ў Рэспубліку Беларусь. Транзітная віза выдаецца для аднаразовага, двухразовага і шматразовага праезду праз тэрыторыю Рэспублікі Беларусь пры наяўнасці ў іншаземца візы краіны, у якую ён накіроўваецца праз тэрыторыю Рэспублікі Беларусь. Калі віза для пераезду ў трэцюю краіну не патрабуецца, прымаюцца пад увагу іншыя падставы для атрымання транзітнай візы, у тым ліку квіткі для пераезду чыгуначным, авіяцыйным, аўтамабільным транспартам альбо пацвярджэнне іх браніравання.
