Аб сустрэчах ў Кувейце
09.11.2021 г.7-8 лістапада 2021 г. адбыўся візіт у Кувейт намесніка Міністра замежных спраў Рэспублікі Беларусь Мікалая Барысевіча і Надзвычайнага і Паўнамоцнага Пасла Рэспублікі Беларусь у ААЭ і Дзяржаве Кувейт (па сумяшчальніцтве) Андрэя Лучанка.
У рамках візіту прайшоў першы ў гісторыі двухбаковых адносін раунд палітычных кансультацый паміж міністэрствамі замежных спраў Беларусі і Кувейта.
У ходзе праведзеных перагавораў былі дэталёва абмеркаваны розныя напрамкі двухбаковага супрацоўніцтва, у тым ліку з улікам 30-й гадавіны ўстанаўлення дыпламатычных адносін паміж Беларуссю і Кувейтам, што адбудуцца ў 2022 годзе.
Дасягнута прынцыповая згода аб павышэнні ўзроўню і інтэнсіфікацыі палітычнага дыялогу паміж дзвюма краінамі ў бліжэйшы час, развіцці дагаворна-прававой базы, падтрыманні высокага ўзроўню ўзаемадзеяння ў міжнародных арганізацыях. Адмысловая ўвага была нададзена пытанням актывізацыі гандлёва-эканамічнага супрацоўніцтва, аднаўленні працы Сумеснай камісіі па эканамічным, гандлёвым і тэхнічным супрацоўніцтве, а таксама стымуляванні дзелавых кантактаў. Абмеркаваны перспектывы ўзаемадзеяння ў галіне адукацыі, культуры, турызму і ў гуманітарнай сферы.
Беларуская дэлегацыя дадаткова правяла шэраг сустрэч з прадстаўнікамі кувейцкага боку, у прыватнасці, з сустаршынёй кувейцкай часткі Сумеснай камісіі па эканамічным, гандлёвым і тэхнічным супрацоўніцтве в.а. намесніка Міністра фінансаў Асіль аль-Саад аль-Менаіфі, Старшынёй Гандлёва-прамысловай палаты Кувейта Мухамедам аль-Сакрам і Генеральным дырэктарам Кувейцкага фонду арабскага эканамічнага развіцця Марванам аль-Ганемам.