Аб сустрэчы дэлегацый Беларусі і ААЭ ў Міжпарламенцкім саюзе
22.03.2022 г.21 сакавіка 2022 г. падчас 144-й сесіі Асамблеі Міжпарламенцкага саюза, якая праходзіць у Інданезіі, адбылася сустрэча беларускай і эмірацкай дэлегацый.
Беларускі бок на сустрэчы ўзначаліў старшыня Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы Сяргей Рачкоў, эмірацкі — старшыня камітэта Федэральнага нацыянальнага савета па пытаннях абароны, унутраных спраў і замежных спраў Алі Рашыд аль-Нуэймі.
У ходзе сустрэчы абмеркаваны пытанні беларуска-эмірацкага міжпарламенцкага ўзаемадзеяння. Бакі дамовіліся аб прадаўжэнні міжпарламенцкага супрацоўніцтва, у тым ліку на палях мерапрыемстваў МПС, а таксама аб актывізацыі міжпарламенцкіх абменаў.
