Аб прэзентацыі экспартнага патэнцыялу для саудаўскай дзелавой супольнасці
30.07.2024 г.30 ліпеня 2024 г. Нацыянальным цэнтрам маркетынгу Рэспублікі Беларусь пры ўдзеле Пасольства праведзена чарговая відэаканферэнцыя з Генеральным агенцтвам па знешнім гандлі Каралеўства Саудаўская Аравія.
Падчас відэаканферэнцыі адбылася комплексная прэзентацыя вядучых галін эканомікі Беларусі, інвестыцыйнага патэнцыялу краіны, а таксама акцэнтавана ўвага ўдзельнікаў на перспектыўных напрамках гандлёвага супрацоўніцтва, уключаючы пастаўкі беларускай сельскагаспадарчай і харчовай прадукцыі, узаемадзеянне ў лагістыцы і ў галіне перапрацоўкі адходаў.
У мерапрыемстве прынялі ўдзел больш за дваццаць прадстаўнікоў саудаўскіх дзелавых колаў, зацікаўленых у развіцці гандлёва-эканамічнага супрацоўніцтва з Беларуссю, якія прадстаўляюць такія сферы, як сельская гаспадарка, прамысловасць, медыцына, інвестыцыі.
